55歲陳淑蘭（蘭子）與好友周國豐和陳淽菁開設了YouTube頻道《豐陳三俠》，分享多年的所見所聞，語出驚人，除自揭曾因好色去過“鴨店”、大爆袁詠儀找過茅山師傅幫手增運外，還拆解自己“為情自殺”之謎。不過，卻有陳年舊史，傳當年她是為舊愛黎明做傻事，蘭子堅拒否認呼冤說：“豆腐我就冇得食佢喇，食呢只死貓就食咗咁多年！”另外，她又親揭跟傳聞中掌摑過的“情敵”莫可欣破冰細節，好有娛樂性。
前港姐陳淑蘭和陳淽菁因“爭仔”誤會了超過20年，冰釋前嫌后同撈同煲，由敵人變戰友。周國豐爆兩人是神婆，因為玩“靈擺”而走埋一齊。蘭子直認有算過：“靈擺話我哋可以合作到，既然應該有運行，倒不如一齊搵食啦。”3人不單止做網上節目，還會做埋PR制作公司，陳淽菁形容大家會有不同的崗位是完美合作：“國豐人脈夠，佢負責做品牌推擴及幕后；我做企業培訓。”蘭子笑住插嘴說：“我接客！或可做反面教材。”
同撈同煲三人組
夾在兩女之間的周國豐坦言驚驚地：“其實我最驚佢哋會再反面！好彩暫時OK，可能多咗我做中間人，會令雙方冷靜啲啦，加上重拾嘅友誼會更珍惜。”蘭子即大派定心丸：“以前誤會佢(淽菁)搶仔就有拗撬啫，現在利字當頭反而冇事發生，而且年紀大咗會聽道理。”大方的淽菁贊蘭子有好多優點：“其實佢幾Cute?，我未遇過一個人好似佢咁可愛，件事過咗幾十年仲肯認系自己唔啱。”周國豐堅持，做人要接受自己的過去，如果隱瞞過去，不開心是不會消退的，故《豐陳三俠》想搵能打開心扉講真說話的嘉賓。
食唔到黎明“豆腐”
▲蘭子否認跟黎天王有過一段當年情。
問到會否力邀盛傳是蘭子“舊情人”的黎天王(黎明)？蘭子大笑說：“佢老婆(阿Wing)未必畀喎，上次約佢訪問都畀佢拒絕咗。”周國豐也“投訴”：“佢結咗婚之后都未見過。”陳淽菁就欣賞黎明“哲學論”，好想聽到他的金句。重提當日陳淑蘭自殺，據陳年舊聞，傳過蘭子當年跟黎明登臺后，因展開過一段秘密情史，她為情自殺，不過，蘭子再三強調無這回事，實情是因為爸爸過身令情緒出了問題所致：她說：“如果嗰段時間任何一個男人出現都關佢事，咪前世唔收好唔得閑？嗰時我同蔣志光及胡楓都做過嘢喎。”蘭子承認都有聽過她“為情自殺”傳言，有次在內地被一位男性友人問起：“個個名都聽過(為情自殺男主角)，但就冇聽到有黎明。”在旁的淽菁加口說：“我以為系方中信。”蘭子卻搞笑回應：“我系為譚耀文(淽菁舊愛)呀！”對于黎明牽涉其中食了多年“死貓”，蘭子卻說：“咁我都食咗死貓好耐啦，呢行唔系我食佢死貓，就佢食我死貓?啦，‘豆腐’就冇得食喇...哈...”蘭子直認愛黎明，反問：“邊個女人唔鍾意Leon呀？不過呢只死貓食得好甘，點可以話我為偶像而自殺？好彩現在有個網臺節目可以還黎明一個清白。”相對傳她曾為黎天王自殺，蘭子更介意坊間傳她潦倒到要瞓街：“真系大吉利是。”周國豐認同這種無奈感：“夠傳過我有億萬家財啦。”陳淽菁更激氣：“啲假新聞離譜到傳我同譚耀文離咗婚呀。”
畀大家食下“花生”
另外，蘭子更話不介意訪問方中信及莫可欣，又突爆和傳聞中被掌摑過的“情敵”莫可欣好friend！補充道：“雖然唔系飲茶嗰啲，但大家知發生乜事，冇介懷。”她還笑住交代跟莫可欣和好細節：“有次喺首映中和兩人同場，身邊人好驚，細細聲猛問‘點算好呀？’點知佢哋越講，我就越要行過去，嚇到啲人死，以為我會做啲乜！過到去我開口打招呼話‘喂！莫可欣’見到佢當時都呆一呆，驚恐回應‘仲乜呀？’我隨即答‘冇呀！啲人想睇我哋啲嘢，咪畀人睇下囉！’佢聽完都放松咁笑咗出嚟。”蘭子坦言：“年青時嬲過人及發生啲誤會唔出奇，呢啲只系年輕時小插曲，現在冇事，生活得好開心。”她仲還將負評轉化做正能量帶畀觀眾。
以上內容歸星島新聞集團所有，未經許可不得擅自轉載引用。
