玄學家七仙羽(七師傅)近日變成人氣王，上周經過她和出賽馬匹“竣誠駒”“溝通”過后爆冷勝出，在港上陣取得首場勝利；另外七師傅又成功預測特朗普當選成為美國總統。最近她跟電影《Red One拯救隊》主角，美籍華裔女星劉玉玲（Lucy Lui）撞樣再成為網上熱話。粉絲一度誤會七師傅進軍好萊塢，送上幾萬蚊賀禮，仲恭賀她係嘅華人驕傲。
▲七師傅和美籍華裔女星劉玉玲撞樣成為網上熱話。
▲電影《Red One拯救隊》劉玉玲劇照。
七師傅一頭霧口水說：“個個以為劉玉玲係我，因為不論身高、面型、發型、甚至為舉止都一模一樣，我以為係AI整蠱，后來電影公司搵我做宣傳先知同劉玉玲撞樣，依家我周圍去謝票好似同劉玉玲打工咁呀。”
師傅相信兩人一定有啲關系，認為必須要見面驗下DNA，她搞笑道：“我諗上世，或者今世一定係同父異母或者同母異父關系，否則點解生得會咁似呢？事實上冇人知老一輩背后搞咗咩？佢父母、我父母之間又有冇‘路’呢？，加上大家都係喺外國長大，我同佢都有機會係私生女喎。”她又表示Lucy好紅，係優秀嘅好萊塢女星。至于她可考慮進軍好萊塢發展時？她又搞鬼說：“我經常喺好萊塢附近飲茶呀。”
以上內容歸星島新聞集團所有，未經許可不得擅自轉載引用。
專題 更多 >
熱門文章
