58歲的劉嘉玲好忙，經常陪影帝老公梁朝偉出席全球影展及頒獎禮，Taylor Swift在新加坡開演唱會又見到她，又會出席上海的珠寶首飾活動，近月又忙拍攝內地節目《嘉人自友約》，好多網民已從多地野生捕獲Do姐、薛凱琪及羅子溢夫婦等藝人做嘉賓。上周五(22/3)下晝，戴著黑超一身型格Look的劉嘉玲同佘詩曼現身西貢拍節目，食勻馳名小店，前者路過舊墟一間餐廳，跟識于微時的電影幕后相認，嘉玲姐勁興奮，先攬攬再用手機自拍，然后快速想當年，全程笑不停，普通話夾雜廣東話，更相約有機會再見面。
▲嘉玲姐偶遇舊相識后好開心，看她笑得幾甜，連阿佘都好開心。
當日中午12時，劉嘉玲同佘詩曼連拍攝隊伍近30人現身西貢，在舊墟行街時跟一間餐廳老板相遇，老板跟她打招呼，聊多兩句就勾起嘉玲姐記憶，原來老板以前是龍虎武師，嘉玲姐向鏡頭介紹他，還笑笑口上前輕推對方，“他是任達華的專用替身，看一下，像不像任達華?！备愕嚼习迮鲁蟠笮?。
▲兩人好好聊，嘉玲姐更聊到O曬嘴。
▲嘉玲姐介紹老板是任達華的專用替身。
嘉玲姐笑著聊
老板提到1991年的電影《雞鴨戀》有份做華哥替身，覺得劉嘉玲唔會記得，女方即大聲跟他說，“《雞鴨戀》?我拍的電影，我怎么會不記得。”老板再提1991年拍攝的《子彈出租》，以老人家稱呼華哥，嘉玲姐Feel唔到個中含義，廣東話回他，“佢嗰時都唔係老人家。”之后再提到方中信有時也會幫襯其餐廳，嘉玲姐好驚訝，“方中信都住在西貢?”嘉玲姐全程答問好多表情，又手郁郁非常可愛，而阿佘及內地男主持就做觀眾，笑住聽兩人吹水。由于趕住拍攝，嘉玲姐要轉場，老板相約下次有機會再傾。
阿佘超好笑容
夠鐘食Lunch，兩人轉往食車仔面，店主安排攝制隊坐在店內最入的位置，食客見到身旁有明星光臨都冇太大異樣，又食又拍半小時完成，離開時阿佘面對街坊笑笑口講Hello，街坊大贊《新聞女王》“Man姐”真人原來咁鬼Nice，而嘉玲姐負責埋單，還提店員記得包好外賣。食完正餐個胃仲有少少位，兩人再幫襯同屬西貢名店的馳名菠蘿包，店主安排兩人坐在正門位置，阿佘仲戴住手套食菠蘿油。食飽最啱散嚇步，網上有唔少游客拍到兩人去碼頭看海鮮，又去行沙灘及捉圍棋，希望節目出街后，可以有助帶旺西貢經濟啦。
▲嘉玲姐選擇幫襯小店食車仔面做Lunch，食客望住明星食面沒有異樣。
以上內容歸星島新聞集團所有，未經許可不得擅自轉載引用。
